Ijtimoiy tarmoqlarda Qashqadaryo viloyati Chiroqchi tumani hududida tezlikni me`yoridan oshirgan transportlarni qayd etuvchi maxsus moslama bilan jihozlangan avtomobilda xizmat olib borgan YPX xodimiga haydovchi Sh.A. e`tirozlar bildirib, tortishuvli holatni yuzaga keltirganligi, vaziyat keskinlashib, atrofda fuqarolar to`planganligi aks etgan video tarqaldi. Qashqadaryo viloyati IIB YHXB mas`ullari tomonidan tegishli hujjatlar to`plandi va holat 2021 yil 13 dekabr kuni Jinoyat ishlari bo`yicha Chiroqchi tumani sudida o`rganilib chiqildi, deya xabar bermoqda IIV YHXBB Axborot xizmati.
Ma`lum qilinishicha, fuqaro Sh.A. O`zbekiston Respublikasi Ma`muriy javobgarlik to`g`risidagi Kodeksning 195-moddasida ko`rsatilib o`tilgan huquqbuzarlikni sodir etganlikda aybdor deb topildi va unga nisbatan 10 sutka ma`muriy qamoq jazosi tayinlandi.
"Ko`plab YTHlarga tezlik sabab bo`layotgan bir vaqtda, tezyurar, uchar haydovchilarni tartibga chaqirish maqsadida xizmat olib borayotgan xodimlarning faoliyatiga halaqit bermaslikni so`raymiz", - deyiladi xabarda.
