Joriy yil yakunlari bo`yicha Qoraqalpog`iston Respublikasini ijtimoiy-iqtisodiy rivojlantirishning asosiy makroiqtisodiy ko`rsatkichlari rejadan 5-24 foiz oralig`ida o`sgan. Bu haqda ayni paytda Vazirlar Kengashining raisi Qahramon Sariev Qoraqalpog`iston Respublikasini 2021 yilda ijtimoiy-iqtisodiy rivojlantirish yakunlari hamda 2022 yilgi rejalar to`g`risidagi murojaatnomasida ma`lum qildi.
Bandlik
Yaratilgan yangi ish o`rinlari soni 23 100 ta – reja 105 foiz. Bu esa aholining ishsizlik darajasi yil boshidagi 10,5 foizdan 9,5 foizga kamayishiga sabab bo`lgan.
Byudjet
Qoraqalpog`iston Respublikasi yil davomida:
- davlat byudjetiga 1 trln. 767 mlrd. so`m;
- mahalliy byudjetga 1 trln. 680,6 mlrd. so`m;
- respublika ixtiyoriga 66,5 mlrd. so`m erkin qoldiq mablag`lari qolishi rejalashtirilgan.
Infratuzilma
Joriy yilda Qoraqalpog`istonda:
- 505,6 km ichki yo`llar ta`mirlangan;
- 680,6 km ichimlik suv tarmog`i qurilgan (ta`minlanganlik darajasi 68,1 foizga etgan);
- 843,6 km tarmoq va 207 dona transformator punktlari rekonstruksiya va modernizasiya qilingan (bu bilan 71 mingdan ortiq xonadon, 1,0 mingga yaqin tadbirkorlik sub`ektlari hamda 180 dan ortiq ijtimoiy soha muassasalarining elektr ta`minoti yaxshilangan).
Sardorbek Rahmonqulov
