Joriy yil 9-20-dekabr kunlari Italiyaning Keti shahrida 2004-2005-yillarda tug`ilgan o`smirlar o`rtasida gandbol bo`yicha “ABRUZZO CUP-2021” xalqaro turniri o`tkazildi. Italiya gandbol federasiyasi tomonidan uyushtirilgan ushbu nufuzli musobaqada O`zbekiston o`smirlar terma jamoasi muvaffaqiyatli ishtirok etdi.
Xalqaro turnirda hamyurtlarimizdan tashqari Portugaliya, Serbiya, Polsha kabi xorijiy davlatlar, shuningdek mezbon Italiya o`smirlar terma jamoasi hamda Italiyaning hududiy klublar terma jamoalari g`oliblik uchun bahs olib borishdi.
Yosh gandbolchilarimiz turnir mobaynida jami 9ta uchrashuv o`tkazib, ularning barchasida zafar quchishdi. Jumladan, vakillarimizga biroz jiddiy qarshilik taqdim etilgan Italiya o`smirlar terma jamoasiga qarshi o`yinda hamyurtlarimiz 38:27 hisobida g`alabaga erishdi. Qolgan barcha o`yinlarda o`zbekistonlik yosh gandbolchilar raqiblarini kamida 20ta to`p farqi bilan mag`lub etishgan. Yakunda hamyurtlarimiz “ABRUZZO CUP-2021” sohibiga aylanishdi.
Musobaqada vakillarimizdan G`ayrat Baratov, Davron Bozorboev, Behruz Yakubov singari umidli yoshlar barchada iliq taassurot qoldirishdi va xalqaro turnirning eng yaxshilari qatoridan joy oldi.
Ta`kidlash kerak, O`zbekiston o`smirlar terma jamoasining o`zagini Respublika Olimpiya zaxiralari kolleji tarbiyalanuvchilari tashkil etishadi. Bugun vakillarimiz Italiya safaridan qaytib kelishdi.
21.01.2022, 00:34
Saudiya Arabistonida gandbol bo`yicha erkaklar o`rtasida Osiyo chempionati bo`lib o`tmoqda. Unda ishtirok etayotgan terma jamoamiz dastlabki saralash bosqichini muvaffaqiyatli yakunladi. Bu haqda Olimpiya qo`mitasi matbuot...19.01.2022, 21:00
Joriy yil 13-20-yanvar kunlari Eron Islom Respublikasining Xuzestan shahrida gandbol bo`yicha 2002-2004-yillarda tug`ilgan yoshlar o`rtasida xalqaro turnir bo`lib o`tdi. Bu haqda O`zbekiston Respublikasi Turizm va...08.12.2021, 22:32
Ispaniyada davom etayotgan ayollar o`rtasida gandbol bo`yicha jahon chempionatida terma jamoamiz dastlabki guruh bosqichidagi ishtirokini yakunladi. Uchinchi turda vakillarimiz Puerto-Rikoga qarshi bahs olib borishdi. Shiddatli...