Yangi Zelandiyada daniyalik sayyoh Rasmus Nilson kamyob o`rdakni o`ldirganligi sababli 10 ming dollar jarima to`ladi, deb yozdi “Gazeta.ru” nashri.
24 yoshli Nilson mamlakatga bundan uch oy ilgari kelgan. U Janubiy Vestlendda ov qilib yurganida vayo nomli havo rang o`rdakni yovvoyi o`rdak deb otib qo`ygan.
Sayyohni kerakli ruxsatnomasiz ov qilishda va yovvoyi tabiatning noyob hayvonini o`ldirishda ayblashdi. Nilson o`zini “axmoq” deb atadi. Endi jarimani to`lash uchun ota-onasidan pul so`rashga, qarzni qaytarish uchun unga bir necha yillar mehnat qilishga majbur bo`ladi.
