Namanganlik fuqaro o`ziga nisbatan qo`zg`atilgan jinoyat ishi bo`yicha zararni qoplash maqsadida ko`zda tutilgan 111,4 ming so`m to`lov amalga oshirilganligi haqida soxta kvitansiya taqdim qilganligi aniqlandi.
Bu Bosh prokuratura huzuridagi Departamentning Mingbuloq tuman bo`limi tomonidan o`tkazilgan tergovga qadar tekshiruvda ma`lum bo`ldi.
Qayd etilishicha, hozirda mazkur holat yuzasidan Jinoyat kodeksining 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo`zg`atilib, tergov harakatlari o`tkazilmoqda.
