"Bunyodkor" futbol klubi tarbiyalanuvchisi hisoblangan hamda ushbu jamoada 7 mavsumni o`tkazgan va 2022 yildan e`tiboran erkin agentga aylangan iqtidorli hujumkor yarim himoyachi Xurshid G`iyosov AGMK futbol klubi bilan 2 yillik shartnoma imzoladi. Bu haqda olmaliqlar matbuot xizmati xabar berdi.
Ma`lumot uchun, Xurshid G`iyosov bir muddat «Obod» va Janubiy Koreyaning «Anyang» klublarida ham faoliyat yuritgan. Futbolchi faoliyati davomida klub tizimida jami 153 o`yin o`tkazgan va raqiblar darvozasiga 37ta gol urishga muvaffaq bo`lgan.
