17 yoshli amerikalik Sem Steyngard bitiruv oqshomiga Rubi laqabli mushugi bilan bordi, deb xabar beradi “Gazeta.ru”.
Bitiruvchi va uning hamrohining surati ijtimoiy tarmoqlardan birida chop etilganidan so`ng, bu surat qisqa muddat ichida juda ko`p marotaba ko`rildi.
Odatda bitiruv kechasiga hamma o`smir o`zi yoqtirgan qiz bilan tashrif buyuradi. Biroq Sem yoqtirgan qizi bo`lmagani uchun shunday yo`l tutgan. U mushugini bayramona tarzda yasantirgan. Biroq Sem mushuk bilan raqsga tushmagan. U jonivor o`ziga zarar etkazishidan cho`chigan. Esdalik uchun suratlarda esa u mushugini ko`tarib turgan holda tasvirlangan.
Nashrning yozishicha, Steyngard bitiruv kechasiga mushugi bilan kelib, jamoatchilikning tadbirlarga har bir inson o`z jufti bilan kelishi kerakligi haqidagi “bosim”ini “yo`qqa chiqargan”.