Madridning “Atletiko” futbolchisi Luis Suares faoliyatini yana APLda davom ettirishi mumkin. Bu haqda taniqli insayder Jerar Romero xabar bermoqda.
Qayd etilishicha, “Aston Villa” Suaresni o`z safiga qo`shib olishni rejalashtirmoqda. Birmingemliklar bosh murabbiyi Stiven Jerrard Suaresni o`z jamoasida ko`rishni istamoqda.
Urugvaylik 34 yoshli hujumchi “Atletiko” bilan shartnomasini uzaytirmoqchi emas. Unga APLdan tashqari, MLS va Qatar klublaridan ham taklif bo`lmoqda.
Ma`lumot uchun, Luis Suares joriy mavsumda La Ligada 19ta uchrashuvda maydonga tushib, 7ta gol urdi.
