Xalq ta`limi vaziri Xorazm viloyatidagi ta`mirga muhtoj maktab faoliyati bilan tanishdi. Bu haqda vazirlik xabar bermoqda.
"Xalq ta`limi vaziri Baxtiyor Saidov Xonqa tumanidagi 26-son maktabda bo`lib, maktab binosining bugungi holati, moddiy texnik bazasi va ish faoliyati bilan yaqindan tanishdi",-deya qayd etiladi unda.
Ta`kidlanishicha, ta`mirga muhtoj bo`lgan mazkur maktabda o`quvchilarning talim olishlari uchun zamonaviy sharoitlar yaratish, xonalarni maxsus jihozlar bilan ta`minlash hamda maktab kutubxonasini adabiy-badiiy, ma`rifiy va ilmiy-ommabop kitoblar bilan yanada boyitish yuzasidan tegishli ishlar amalga oshirish zarurligi aytib o`tilgan.
Eslatib o`tamiz, bir muddat avval Baxtiyor Saidov Buxorodagi maktablarni o`rganib, o`qituvchilarni sergaklikka chaqirgani haqida yozgan edik.
