Yaqinda aktrisalar Jamila G`ofurova hamda Oydin Yusupova bir sayt loyihasi uchun xorijlik xonandalar Shakira va Beyonsening “Beautiful Liar” nomli qo`shig`iga ishlangan klipga taqlid qilgan holda suratga tushishgani haqida xabar bergandik.
Aktrisalar xorijlik xonandalarning klipdagi harakatlarini qo`llagan holda raqs tushib, fonogrammaga mos tarzda lab qimirlatib turishgan. Hech kimga sir emas, xorij san`atkorlarining kiyinish madaniyati, klipdagi harakatlari o`zbek madaniyatiga to`g`ri kelmaydi. Shu ma`noda ko`pchilik muxlislar o`zbek aktrisalarining bu harakatini oqlamagan bo`lsa, aksariyat muxlislar “aktrisa-ku, taqlidchilik mahoratini sinab ko`rishning nimasi yomon?” degandek fikrlar bildirishgan. Biz esa aktrisalarning o`zi bilan bog`lanishga qaror qildik.
— Shakira va Beyonsening klipiga taqlid qilish taklifiga rozi bo`lishingizga nima sabab bo`ldi?
Jamila G`ofurova, aktrisa: — Ijodkor sifatida o`zimga bo`lgan ishonchni tekshirish. Bu loyihada boshqa san`atkorlar ham ishtirok etishgan.
— Lekin aynan Oydin Yusupova ikkingizning ishtirokingizdagi “klip” muhokamalarga sabab bo`ldi!
J.G`.: — To`g`ri. Ochig`i, bunday shov-shuvlarga sabab bo`ladi, deb o`ylamagandim. Yaqinda ijtimoiy tarmoqlardagi muhokamalarni ko`rib, avvaliga gap nima haqdaligini tushunolmadim. Hatto bu loyihada ishtirok etganimiz yodimdan ham ko`tarilgan ekan. Mazkur loyihadan asosiy maqsad bir kelin-ko`ylaklar salonidagi liboslarni reklama qilish bo`lgan.
— Ko`ylak juda ochiq emasmidi?
J.G`.: — Yo`q, ko`ylakda tana rangidagi mato ishlatilgani uchun ochiqdek tuyulgan bo`lishi mumkin. Libos qomatga mos tikilgani bois ko`zga yaqqol tashlangan, xolos. Klipda kiyimsiz chiqqanim yo`q-ku. Ayollar shu ko`ylakni to`y-hashamga kiyib borishsa, shov-shuv bo`lmaydi-ku?!
— To`yda ular bunday ehtirosli harakatlar qilmaydi-da! Xorij xonandalarining harakatlarini bajarish o`zingizga erish tuyulmadimi?
J.G`.: — Men aktrisaman, yuklatilgan vazifani a`lo darajada bajarib berish bu — kasbim taqozosi. Qolaversa, ehtirosimni ko`rsata oladigan aktrisaman. Muxlislarim nega hayratlanishdi hayronman. Axir raqs tushgan holatimdagi filmlarim talaygina-ku?! Ma`suma ayol rollarini o`ynab, birdaniga bunday qiyofada chiqayotganim yo`q. Aktrisa sifatida taqlidchilik borasidagi qirralarimni ochishning yomon tarafi yo`q. Ba`zi aktrisalar “Tomoshabin yomon ko`rib qoladi”, deb bunday loyihalardan o`zlarini olib qochishadi. Men esa aksincha, imkoniyatlarimni sinab ko`rishdan cho`chimayman. Qisqasi, klipda me`yor chegarasidan chetga chiqmaganman.
Bir holatga tushunmayman: ko`pchilik tomoshabinlar “O`zbek filmlari, kliplarini ko`rmayman, ensam qotadi, vaqtim zoe ketadi”, deydi. Xorijlik kliplarni o`z talqinimizda ishlasak, o`zbek mentaliteti yodiga tushib qoladi. Shunday tomoshabinga “Avval o`zimizning ijod mahsulotlarini ko`ring!” degim keladi. Bunday tomoshabin har bir ishdan kamchilik topishga o`rganib qolgan.
Aktrisa Oydin Yusupovadan ham fikr so`ramoqchi edik, lekin u qo`ng`iroqlarimizga javob bermadi. Lekin instagram tarmog`iga loyihadan qo`yilgan rasm ostida qizigan bahsda aktrisa muxlislariga javob qaytardi.
Nima ham derdik, “Kimgadir yoqar lola, kimdir atirgul shaydosi”. Hammaning o`z haqiqati bor. Biz masalaga oydinlik kiritib, aktrisalarning fikri bilan qiziqdik. Xulosa esa sizdan...
Sadoqat ALLABERGANOVA tayyorladi.
20.11.2019, 14:21
“Aktrisaga shilqimlik qilingan, u esa yurib ketayotgan yuk mashinadan o`zini tashlagan” Qashqadaryo YHXB qo`shimcha bayonot berdi.2019 yil 18 dan 19 noyabrga o`tar kechasi soat 02:20...05.11.2019, 00:13
“Yolg`izlar”, “Ko`z yoshim”, “Dard” kabi o`n beshdan ziyod filmlari orqali tanilgan aktyor Shavkat Komilov ishtirokida video tarqaldi...Unda aktyor, portnyori Aziza Yoqubovani chin ma`noda o`ldirib qo`yishiga...21.09.2017, 15:12
Asal Shodievaning Instagramdagi ijtimoiy tarmog`ida o`ziga xos dizayndagi liboslar to`plami aks etgan suratlar paydo bo`ldi. Ma`lum bo`lishicha, mazkur liboslar aktrisaning g`oyasi bilan yaratilgan bo`lib, Miel...14.08.2017, 12:34
Aktrisa Sitora Alimjonova 8 avgust kuni turmushga chiqdi. Uning to`yi Tailandning Pxuket orolida bo`lib o`tdi.Sitora o`z intervyularida turmush o`rtog`ining 27 yoshda ekanligini va u tadbirkorlik...