Milliy gvardiya qo`mondonligi tashabbusi bilan mamlakatimizda ot sport turlaridan biri bo`lgan “Tentpegging sport turini ham rivojlantirish, aholini ayniqsa yoshlarni va harbiy xizmatchilarni ushbu sportga keng jalb qilish maqsadida O`zbekiston "Tentpegging" federasiyasi faoliyati yo`lga qo`yildi.
O`zbekiston "Tentpegging" federasiyasi raisi Milliy gvardiya ot sporti bo`yicha respublika oliy sport mahorati maktabi direktori N.Ibragimov va federasiya raisi o`rinbosari lavozimiga Yoshlar o`rtasida harbiy-vatanparvarlik va sport ishlarini tashkillashtirish boshqarmasi boshlig`i Q.Azizovlar tayinlandilar.
Milliy gvardiya qo`mondoni R.Djuraev tomonidan mamlakatimizda "Tentpegging" sport turini keng targ`ib qilish va rivojlantirish, ushbu sport turi bo`yicha respublikamiz bo`ylab nufuzli musobaqalarni tashkil etish, shuningdek Jahon va Osiyo mamlakatlari o`rtasida o`tkaziladigan musobaqalarda yuqori natijalarni qo`lga kiritish Milliy merosimiz namunasi bo`lgan "Qorabayir zotli otlarimizni ushbu sport orqali dunyoga tanitish yuzasidan aniq vazifalar belgilab berildi.
Ushbu sport turi Osiyo va Evropa davlatlarida juda ommabop bo`lib, ayniqsa harbiy xizmatchilarning jismoniy va jangovar tayyorgarligini mustahkamlashda muhim ahamiyat kasb etadi.
