Toshkent tumanida hokimlik zaxirasidan 14 sotix er maydoni olib berishni va`da qilgan firibgar ushlandi. Bu haqda Bosh prokuratura huzuridagi Departament xabar qildi.
Departamentning Toshkent viloyati boshqarmasi tomonidan IIV xodimlari bilan hamkorlikda o`tkazilgan tezkor tadbirda, fuqaro N.Sh. fuqaro B.ning ishonchiga kirib, unga Toshkent tuman hokimligi zaxirasida bo`lgan 14 sotix er maydonini go`yoki “Z.” ismli tanishi orqali 8 000 AQSh dollari evaziga unga egalik qilish huquqini beruvchi qarorni chiqartirib berishni va`da qilib, shundan 4 000 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) va bilan jinoyat ishi qo`zg`atilib, tergov harakatlari o`tkazilmoqda.
