Alisher Usmonov singlisi Saodat Narzievaning Shveysariyaning Credit Suisse bankidagi pul mablag`lari va shaxsiy hisobraqamlari haqida tarqalgan ma`lumot haqiqatga to`g`ri kelmaydi. Bu haqda tadbirkor Alisher Usmonovning matbuot xizmati kun.uz ga xabar berdi.
“Ba`zi mas`uliyatsiz ommaviy axborot vositalari OCCRP ma`lumotlariga tayanib, taniqli tadbirkor, moliyachi va mesenat Alisher Usmonovning singlisi Saodat Burhonovna Narzievaning shaxsiy hisobraqamlariga qo`yilgani aytilayotgan katta pul mablag`lari haqida haqiqatga to`g`ri kelmaydigan ma`lumotlarni tarqatdi”, deyiladi xabarda.
Ma`lum bo`lishicha, Saodat Narzievaning mablag`lari va shaxsiy hisobraqamlariga oid bu ma`lumotlar haqiqatga to`g`ri kelmaydi.
“Bu mutlaqo haqiqatga to`g`ri kelmaydi va Alisher Usmonovning obro`siga putur etkazish maqsadida tarqatilmoqda. Ma`lumotni tarqatganlar “qovurilgan faktlar”ga havola qilib, jurnalist etikasi me`yorlarini e`tiborsiz qoldirgan. Ushbu yolg`on ma`lumotlarning e`lon qilinishi Alisher Usmonovning sha`ni, qadr-qimmati va ishchanlik obro`siga putur etkazadi”, deyiladi axborotda.
Avvalroq, Shveysariyaning kreditlar bo‘yicha ikkinchi yirik Credit Suisse bankidan sizib chiqqan hisob ma’lumotlarida 4 nafar o‘zbekistonlik nomi ham tilga olingandi. Ular orasida Alisher Usmonov singlisi Saodat Narziyeva ham bor edi.
