Madaniy meros agentligi Xorazm viloyati boshqarmasi mutaxassislari xonadon ichidagi “Deshan qal`a” me`moriy arxitektura yodgorligi hisoblanmish devorning bir qismi qulab tushganligi aniqlangan.
Ta`kidlanishicha, ushbu tarixiy obidani saqlab qolish maqsadida xonadon egasi A.R.ga bir necha marotaba rasmiy ogohlantirish berilgan. Uning vaziyatga bo`lgan bepisandligi xonadonida joylashgan madaniy meros ob`ektiga zarar etkazilishiga va qisman buzilishiga sabab bo`lgan.
Fuqaro uy uning shaxsiy mulki ekanligi vaj qilib, Agentlik mutasaddilariga qarshilik ko`rsatgan va ularni konservasiya va restavrasiya qilishlariga yo`l qo`ymagan. Shunga qaramasdan Agentlik mutaxasisslari fuqaro bilan murosaga kelish choralarini ko`rishgan. Lekin fuqaro barcha takliflarga rad javobini bergan.
Shu sababli Agentlik fuqaroga nisbatan tegishli huquqni muhofaza qiluvchi organlarga vaziyatga huquqiy baho berish va davlat muxofazasiga olingan ob`ektda asrashga doir ishlarni oli borishga to`sqinlik qilgani uchun chora ko`rish to`g`risidagi taqdimnoma kiritish jarayonini boshlangan.
Qayd etishicha, bu kabi holatlar Respublikamizning boshqa hududlarida ham afsuski kuzatilmoqda. Shularni inobatga olgan holda O`zbekiston Respublikasi Vazirlar Mahkamasiga Agentlik tomonidan mahalliy xokimyatlarga madaniy meros ob`ektlari atrofida joylashgan shaxsiy mulklarni qonunchilikda belgilangan tartibda ko`chirish bo`yicha taklif kiritilishi to`g`risida ma`lum qildi.
