O`zbekistonning Ukrainadagi elchixonasi fuqarolarimizga yana murojaat bilan chiqdi:
«Ukrainada rivojlanib borayotgan harbiy-siyosiy vaziyatdan kelib chiqib O`zbekiston Respublikasi fuqarolaridan quyidagi ma`lumotlarni hisobga olishlarini so`raymiz:
1. Ukrainaning qaysi shahrida bo`lishingizdan qat`i nazar, joylashgan bomba boshpanalarining ichida yoki yonida bo`ling.
2. Ukrainaning Rossiya Federasiyasi bilan chegaradosh shahar va viloyatlaridan kelayotgan ma`lumotlarga ko`ra, harakat va aloqada muammolar mavjud.
Shu munosabat bilan shaxsiy transport vositalariga ega yoki bunday imkoniyatga ega bo`lgan O`zbekiston Respublikasi fuqarolaridan Ukrainaning g`arbiy qismiga yoki Lvovga ko`chib o`tish imkoniyatini ko`rib chiqishlarini so`raymiz.
3. O`zbekiston Respublikasining Ukrainadagi elchixonasi O`zbekiston Respublikasi fuqarolarining xavfsizligini ta`minlash va keyinchalik ularni o`z Vatanlariga evakuasiya qilish bo`yicha barcha manfaatdor tomonlar bilan hamkorlikda o`z faoliyatini davom ettirayotganiga Sizlarda ishonch hosil qildirmoqchi.
Lekin shu bilan birga, bizga kelayotgan yangi ma`lumotlarni hisobga olib, Ukrainadagi mavjud vaziyat haqida yuqoridagi ma`lumotni berishga majbur bo`ldik, - deyiladi unda.