Bugun, 28 fevral kuni O`zbekiston Respublikasi Tashqi ishlar vaziri Abdulaziz Kamilov raisligida TIVning kengaytirilgan Hay`at yig`ilishi bo`lib o`tdi. Bu haqda vazirlik Axborot xizmati xabar qildi.
Ma`lum qilinishicha, yig`ilishda vazirlik tarkibiy bo`linmalariga yangi tayinlangan rahbarlar tanishtirildi. Unga ko`ra:
Ibragimov Baxtiyor Bahodirovich (ilgari O`zbekistonning Birlashgan Arab Amirliklaridagi Elchisi lavozimida ishlagan) – Iqtisodiy diplomatiya departamenti direktori lavozimiga tayinlandi;
Mirzaraximov Sarvar Xamitjanovich (ilgari Davlat protokoli boshqarmasi bo`lim boshlig`i lavozimida ishlagan) –Davlat protokoli boshqarmasi boshlig`i v.b. lavozimiga tayinlandi;
Akramov Umid Shuhratovich (ilgari Tashqi ishlar vazirligi Moliya-iqtisodiyot boshqarmasi bosh mutaxassisi lavozimida ishlagan) – Iqtisodiy ta`minot bo`limi boshlig`i v.b. lavozimiga tayinlandi.
