Rossiya O`zbekistondan pomidor va qalampir import qilishni qayta yo`lga qo`ydi

Rossiya hukumati qator davlatlardan qishloq xo`jaligi mahsulotlari importiga qo`yilgan cheklovlarni olib tashladi. Xususan, O`zbekistondan qalampir va pomidor importiga to`liq ruxsat etiladi.

2022 yil 5 martdan boshlab Rosselxoznadzor ilgari kiritilgan cheklovlarni bekor qiladi va ishlab chiqarish korxonalariga qo`yilgan cheklovlarni hisobga olmagan holda to`qqiz mamlakatdan Rossiyaga sabzavot mahsulotlarini import qilishni tiklaydi. Import qilishga ruxsat berilgan mamlakatlar quyidagilar:

1. - Armaniston Respublikasidan pomidor;
2. - Ozarbayjon Respublikasidan pomidor;
3. - Belarus Respublikasidan pomidor va qalampir;
4. - Qozog`iston Respublikasidan pomidor va qalampir;
5. - Misr Arab Respublikasidan kartoshka;
6. - Qirg`iziston Respublikasidan pomidor va qalampir;
7. - Turkiya Respublikasidan pomidor, qalampir, qovoq va baqlajon;
8. - Turkmanistondan pomidor va qalampir;
9. - O`zbekiston Respublikasidan pomidor va qalampir.