Ukrainada tinch aholini evakuasiya qilish chorshanba kuni oltita gumanitar yo`lak bo`ylab amalga oshiriladi. Bu haqda mamlakat Bosh vaziri o`rinbosari – Nazorat qilinmagan hududlarni reintegrasiya qilish vaziri Irina Vereshuk ma`lumotiga tayanib Qalampir ma`lum qildi.
“Harbiylar bugun soat 09:00 dan 21:00 gacha o`t ochishni to`xtatishga rozi”, deya ma`lum qildi Irina Vereshuk bugun, 9 mart kuni bo`lib o`tgan brifingda.
Uning so`zlariga ko`ra, evakuasiya uchun o`t ochishni to`xtatish tartibi quyidagi yo`nalishlarda joriy etilmoqda:
• Energodar — Zaporoje;
• Sumi — Poltava;
• Mariupol — Zaporoje,;
• Volnovaxa — Pokrovsk;
• Izyum — Lozovaya.
Shuningdek, Kiev viloyatining Vorzel, Bucha, Borodyanka, Irpen, Gostomel aholi punktlaridan Kiev yo`nalishida.
