2022 yil 10 mart kuni Vengriya Milliy majlis (parlament) deputatlari mamlakat prezidentini sayladi. Bu haqda O`zbekiston Markaziy saylov komissiyasi Matbuot xizmati xabar bermoqda.
Ma`lum qilinishicha, saylovda Vengriyaning oila, yoshlar va xalqaro munosabatlar vaziri Katalin Novak prezident etib saylandi.
Katalin Novak Vengriya tarixidagi ilk ayol prezident bo`ldi. Parlamentda 199 nafar deputatdan 137 nafari Katalin Novakni yoqlab ovoz berishdi. Saylovda K.Novakning asosiy raqibi 80 yoshli iqtisodchi Peter Rona bo`ldi.
Ma`lumot uchun: Vengriyada prezident parlament tomonidan 5 yil muddatga saylanadi. K.Novakka qadar mamlakatni 2012 yil saylangan Yanosh Ader boshqarib kelgan.
