2022 йил 10 март куни Венгрия Миллий мажлис (парламент) депутатлари мамлакат президентини сайлади. Бу ҳақда Ўзбекистон Марказий сайлов комиссияси Матбуот хизмати хабар бермоқда.
Маълум қилинишича, сайловда Венгриянинг оила, ёшлар ва халқаро муносабатлар вазири Каталин Новак президент этиб сайланди.
Каталин Новак Венгрия тарихидаги илк аёл президент бўлди. Парламентда 199 нафар депутатдан 137 нафари Каталин Новакни ёқлаб овоз беришди. Сайловда К.Новакнинг асосий рақиби 80 ёшли иқтисодчи Петер Рона бўлди.
Маълумот учун: Венгрияда президент парламент томонидан 5 йил муддатга сайланади. К.Новакка қадар мамлакатни 2012 йил сайланган Янош Адер бошқариб келган.
