Ukrainada boshlangan urush oqibatida 3,7 million ukrainaliklar mamlakatni tark etgan, biroq 13 millionga yaqini urush zonalarida qolib ketgan va otishma ostida qolish xavfi bor. Bu haqda BMTning Qochqinlar bo`yicha boshqarmasi vakili Karolina Lindxolm Billin ma`lum qildi.
“O`tgan bir oy bizni sakkiz yil avvalgidan ko`ra uzoqroq o`tmishga tashladi. Biz har soniyada kuchayib borayotgan yirik gumanitar inqirozga duch kelmoqdamiz”, deydi Billing.
Jahon oziq-ovqat dasturi urush boshlanganidan bir oy o`tib, ukrainaliklarning 45 foizi oziq-ovqat etishmasligidan xavotirda ekanini ma`lum qildi. Oziq-ovqat etishmovchiligi bugungi Ukrainada xavfsizlik va yonilg`i taqchilligi bilan birga eng dolzarb uchta muammodan biri bo`lib turibdi.
