Tojikiston poytaxti Dushanbe shahrida para velosport bo`yicha Osiyo chempionati bo`lib o`tmoqda. Quvonarlisi, ushbu musobaqada ishtirok etgan O`zbekiston terma jamoasining barcha 10 nafar a`zosi yakunda g`olib va sovrindorlar safidan joy olishdi. Natijada mamlakatimiz sport delegasiyasi umumjamoa hisobida 1-o`rinni qo`lga kiritdi. Bu haqda Sportni rivojlantirish vazirligi matbuot xizmati ma`lum qildi.
Quyida Osiyo chempionatida g`olib va sovrindor bo`lgan sportchilarimiz bilan tanishing:
Oltin medal:
Azizaxon Qosimova (C4),
Avazxon Palvonov (C3),
G`olibbek Mirzayorov (C2),
Aziz Ataxodjaev (T1),
Baxodir Odinaev (T2),
Odina Hamdamova (T2),
Kumush medal:
Abror Artiqov (C2),
Azimbek Abdullaev (C5),
Saidjabbor Dadaxonov (T1),
Bronza medal:
Bunyod Hayitmahammadov (C2).
