Turkiya Prezidentining ushbu kitobi birinchi marta Shavkat Mirziyoevning Turkiyaga rasmiy tashrifi oldidan o`zbek tiliga tarjima qilinib, cheklangan miqdorda chop etilgan edi.
Xabar berilishicha, "Yangi asr avlodi" nashriyoti kitobni ko`p nusxada nashr qildi, endi o`zbek kitobxonlari ham mazkur kitobni ona tilimizda o`qish imkoniga ega bo`ldi.
Erdog`anning mazkur kitobida dunyo bo`ylab kuzatilayotgan adolatsizlik, migrasiya inqirozi, xalqaro terrorizm, islomofobiya, siyosiy munofiqlik kabi illatlar xususida so`z yuritiladi. Asarda «Bugun insoniyat uchun eng zarur qadriyat bu — adolatdir» degan g`oya ilgari suriladi.
Kitobni filologiya fanlari doktori, professor Ma`rufjon Yo`ldoshev, filologiya fanlari nomzodi, dosent Abdumurod Tilavov tarjima qilgan.
