Avvalroq o`zbek dzyudochilari Antalyada bahs olib borishi haqida xabar bergan edik.
O`zbekiston Milliy Olimpiya Qo`mitasi ma`lumotiga ko`ra, dzyudo bo`yicha bo`lib o`tgan "Katta dubulg`a" turniri o`z yakuniga etdi.
Qayd etilishicha, musobaqaning so`nggi bellashuvida o`zbekistonlik Alisher Yusupov gruziyalik Guram Tushishvili bilan chempionlik uchun bahs olib bordi.
Eng og`ir vazn toifasida kurashgan polvon dastlab vazari ishlashga muvaffaq bo`lgan. Biroq bahs o`rtasida tajribali raqib, Tokio-2020 finalchisi, jahon chempioni ippon bahosi bilan bellashuvni foydasiga hal qilgan.
Shu tariqa, O`zbekiston delegasiyasi Antalya "Katta dubulg`a" musobaqasini 2 ta kumush va 3 ta bronza, jami 5 ta medal bilan yakunladi.
