Fransiya milliy jamoasi forvardi Kilian Mbappe «PSJ» bilan shartnomani uzaytirishga qaror qilgan.
Parij klubiga yaqin manba sanalmish jurnalist Daniel Riolo bu haqda ma`lum qildi. Lionel Messining «PSJ»ga o`tishini ham aynan u birinchilardan bo`lib e`lon qilgan edi.
«Al-Hilayfini qiziqtirayotgan yagona masala – Kilianning qanday qarorga kelishidir. Ko`pchilik hozir so`zlarimga ishonmasligi mumkin, ammo u Parij klubida qoladi va bu haqda may oyida e`lon qiladi», - deya Rioloning so`zlarini keltirgan RMC Sport.
Avvalroq, Kilian Mbappening shartnomani uzaytirish borasida Parij klubining barcha takliflarini rad etgani va yozda erkin agent sifatida «Real»ga o`tishga qaror qilgani haqida xabar qilingandi.
Ma`lumot uchun, 23 yoshli hujumchi joriy mavsum Fransiya chempionatida 27 o`yinda 17ta gol, EChLda esa 8 bahsda 6ta golga mualliflik qildi.
