Joriy yilning 11 aprel kuni Yuqori Chirchiq tumanida xizmat olib borayotgan YPX inspektori B.Mursaev tomonidan "Malibu" rusumli transport vositasi to`xtatiladi. Bu haqda viloyat Ichki ishlar bosh boshqarmasi boshlig`ining Matbuot kotibi xabar berdi.
Haydovchidan tegishli hujjatlar so`ralganda, u o`zini IIOda ishlashini hujjalari esa yonida yo`qligini aytadi.
Bu holat YPX inspektorida shubha uyg`otadi va fuqaro to`g`risida ma`lumot planshetga orqali tekshirilganda, u 1992 yilda tug`ilgan M.A. ekanligi (IIO xodimi emas) va O`zbekiston Respublikasi JKning 168-moddasi (firibgarlik) bilan ayblanib, Toshkent shahar IIBB tomonidan 2021 yildan buyon qidiruv e`lon qilinganligi aniqlandi.
Holat yuzasidan qonuniy chora ko`rish uchun haydovchi tegishli tartibda tuman IIBga olib borildi.
