Ijtimoiy tarmoqlarda Qarshi shahridagi qator banklar, shu jumladan, "O`zsanoatqurilishbank"ga tegishli bankomatlarda naqd pul yo`qligi to`g`risida xabarlar tarqaldi.
"O`zsanoatqurilishbank" Axborot xizmatining ma`lum qilishicha, mazkur vaziyat tezkorlik bilan o`rganilib, qisqa fursat ichida bankka tegishli bankomatlar naqdliklar bilan to`liq ta`minlandi.
Ta`kidlanishicha, shu bilan birga bankomatlardan foydalanish chog`ida navbatlarning oldini olish maqsadida Bank filiali xodimlari ham mijozlarga yaqindan yordam bermoqda.
