Ijtimoiy tarmoqlardada Yangiyo`l tumanida sodir bo`lgan dahshatli avtohalokat aks etgan videolar tarqaldi.
IIV Yo`l harakati xavfsizligi xizmatining ma`lum qilishicha, avtohalokat bugun, 2022 yil 18 aprel kuni soat 06:15 larda Toshkent viloyati, Yangiyo`l tumani hududidan o`tuvchi M-39 avtomobil yo`lining 829-kilometrida sodir bo`lgan. 1980 yilda tug`ilgan haydovchi U.I. "Lada-Largus" avtomobilida ketayotib, uxlab qolishi natijasida yo`lning o`ng chetida to`xtab turgan 1976 yilda tug`ilgan haydovchi U.U. boshqaruvidagi "Isuzu" yuk avtomobilning orqa tomoniga to`qnashgan.
Hodisa natijasida "Lada-Largus" avtomobili yo`lovchilari, 1983 yilda tug`ilgan M.O. va 2010 yilda tug`ilgan O.J.lar olgan og`ir tan jarohatlari tufayli voqea joyida vafot etgan. Shuningdek, yana bir yo`lovchi shifoxonaga yotqizilgan.
Mazkur YTH yuzasidan Yangiyo`l tumani IIB huzuridagi TB tomonidan dastlabki tergov harakatlari olib borilmoqda.
