Qodirov Utkirjon G`ayratovich Qashqadaryo viloyat hokimining o`rinbosari – viloyat investisiyalar va tashqi savdo boshqarmasi boshlig`i lavozimiga tayinlandi. Bu haqda Qashqadaryo viloyati hokimligi matbuot xizmati xabar qilmoqda.
Ushbu lavozimda Baxrom Yusupov ishlab kelayotgan edi.
U 1984 yil Surxondaryo viloyati Sariosiyo tumanida tug`ilgan. Jahon iqtisodiyoti va diplomatiya universiteti hamda O`zbekiston Respublikasi Strategik tahlil va istiqbolni belgilash Oliy maktabini tamomlagan.
U hozirgacha O`zbekiston Respublikasi Davlat bojxona qo`mitasi raisi o`rinbosari lavozimida ishlab kelayotgan edi.
Eslatib o`tamiz, sal avval Qashqadaryo viloyati davlat soliq boshqarmasi boshlig`i lavozimida ishlab kelayotgan Alisher Qodirov Qashqadaryo viloyati hokimiga birinchi o`rinbosar etib tayinlangan edi.
