Germaniya g`arbida joylashgan Firnxaym shahridagi kinoteatrlardan biriga bostirib kirgan niqobli odam o`tirganlarni o`qqa tutdi, oqibatda 50 kishi jabrlandi, deb xabar berdi “Lenta.ru” nashri.
Qurollangan niqobli jinoyatchi bino ichiga yashiringan. Kinoteatr ichidagi tomoshabinlar vahima bilan tashqariga chiqishga harakat qilgan. Polisiya trevoga ko`targan. Ko`rilgan chora-tadbirlar natijasida jinoyatchi polisiyachilar tomonidan otib o`ldirilgan. Uning ruhiy nosog`lom bo`lishi mumkinligi taxmin qilingan.
