28 iyun kuni Istanbul shahridagi Otaturk nomidagi xalqaro aeroportda ikkita portlash sodir bo`ldi. 50 kishi halok bo`ldi, yaralanganlar soni 100 dan oshdi. Portlashlar ortida “Islom davlati” terrorchilik guruhi turganligi ma`lum qilinmoqda. Ayni damda ma`lum bo`lganlar haqida TASS xabar qiladi.
Portlash qanday sodir bo`ldi
- 28 iyun kuni tunda Turkiyaning yirik aeroportida ikkita portlash sodir bo`lgani haqida ma`lumot paydo bo`ldi. Portlashdan so`ng guvohlar aeroport binosi terminalidan qochayotgan to`rt kishini payqashgan.
- Xabar berilishicha, portlashdan so`ng aeroport turargohida otishma sodir bo`lgan.
- Turkiya hukumati hodisani terakt deb topdi.
Teraktni kim uyushtirdi
- OAVlarda xabar berilishicha, terminalda ikki hudkush o`zini portlatib yuborgan. Xabarlarga ko`ra, uchinchi terrorchi ham bo`lgan, u odamlarga qarata o`q uzgan, keyin esa aeroport hududiga yashiringan.
- Aniq ma`lumotlarga ko`ra, teraktni uch nafar hudkush terminalning turli nuqtalarida sodir etgan. Hudkushlardan biri polisiyachi nishoniga olingan, ammo terrorchi polisiyachini qo`liga tushmasdan avval bombani ishga tushirgan.
- Portlashlar uchun javobgarlikni “Islom davlati” terrorchilik guruhi bo`yniga oldi.
Halok bo`lgan va yaralanganlar haqida nimalar ma`lum
- Terakt qurbonlari haqida ma`lumotlar aniqlanmoqda. So`nggi ma`lumotga ko`ra, gap 50 nafar qurbon va 147 nafar yarador haqida bormoqda. Jabrlanganlar kasalxonalarga 50 dan ortiq tez yordam mashinalarida etkazildi.
- Reuters xabariga ko`ra, qurbonlar orasida chet el fuqarolari bor.
- Hozircha jabrlanganlar orasida o`zbekistonliklarning bo`lganligi noma`lum
Ayni damda aeroportda
- Portlashdan so`ng polisiya aeroport binosini qurshab olindi. Favqulodda hodisa hudud samosida polisiya vertoletlari nazorat o`rnatgan.
- Aeroportdagilar evakuasiya qilingan.
- Reyslarni jo`natish va qabul qilish to`xtatilgan. Xorijiy va mahalliy aviakompaniyalar ommaviy ravishda Istanbulga reys yuborishni bekor qildi.
Turkiya Bosh vaziri Binali Yildirimning ma`lumotlariga ko`ra, terakt 36 kishining hayotiga nuqta qo`ygan.
“Seshanba kuni soat chamasi 21:22 da Otaturk aeroportida portlash sodir bo`ldi. Yaradorlar kasalxonaga etkazilgan", — deydi Yildirim.
“Portlashda jabrlanganlar asosan Turkiya fuqarolari, ammo yaralanganlar orasida chet elliklar bo`lganligi ehtimoli ham bor”, — deydi bosh vazir.
