Bugun, 26 may kuni "Vijdon saratoni" hujjatli filmi premera qilinadi.
Mazkur film Prezident huzuridagi Davlat xizmatini rivojlantirish agentligi, O`zbekiston Kinematografiya agentligi hamkorligi va tegishli tashkilotlar ko`magida "Hujjatli va xronikal filmlar kinostudiyasi" tomonidan suratga olindi.
“Vijdon saratoni” hujjatli filmi korrupsiya tushunchasiga hayot uchun o`ta xavfli bo`lgan kasallik rakursida nazar tashlashga undaydi.
Filmning bosh qahramonlari – korrupsiya haqida maqola tayyorlayotgan jurnalist va davlat xizmatida faoliyat ko`rsatib, korrupsion jinoyat sodir etgan mahkum obrazlarining hikoyasi orqali tomoshabin bu og`riqli mavzuni chuqurroq tahlil etadi. Ekspertlar intervyulari esa tasvirni yanada kengroq ochib beradi.
Filmning sahnalashtiruvchi rejissyori Shohrux Rasulov, ssenariy muallifi va ijrochi prodyuser Furqat Usmonov.
Korrupsiya mavzusida yangi — "Vijdon saratoni" nomli hujjatli film shu kunlarda yurtimiz telekanallarida ham namoyish etiladi.
