O`zbekiston sport jurnalistlari otaxoni, O`zbekistonda xizmat ko`rsatgan yoshlar murabbiyi, Respublika toifasidagi hakam, "Oltin qalam" Milliy mukofoti sohibi, Xalq ta`limi a`lochisi Axbor Imomxo`jaev bugun, 30 may kuni vafot etdi.
Bu haqda uning nabirasi Diyor Imomxo`jaev ma`lum qildi.
Xabarlarga ko`ra, Axbor Imomxo`jaevning sharhlovchilik faoliyatiga kirib kelishi ham qiziq bo`lgan. 1956 yilda Toshkentda ilk bor "Paxtakor" stadioni qurib bitkazilgan va shu nomda jamoa tashkil etilgan. Mazkur jamoaning o`yinlarini sharhlash uchun sharhlovchilar talab etildi. Shu maqsadda sharhlovchilar uchun tanlov e`lon qilingan. Qayd etilishicha, unda 26 nafar yosh yigit ishtirok etadi. Ana shu tanlovda rus tilida Roman Turpishev, o`zbek tilida esa Axbor aka g`olib bo`lishgan.
