Bosh prokuratura huzuridagi Departamentning Denov tuman bo`limi tomonidan tergovga qadar tekshiruv o`tkazildi.
Unda, fuqaro M.A. tuman hokimligi zaxirasidagi “Qorako`z” mahallasi hududida joylashgan sug`oriladigan er maydonining 2 sotixini noqonuniy egallab olib, shundan 69 kv.m er maydonida qurilish ishlarini amalga oshirganligi aniqlangan.
Mazkur holat yuzasidan Jinoyat kodeksining 229-1-moddasi (er uchastkalarini o`zboshimchalik bilan egallab olish) bilan jinoyat ishi qo`zg`atilib, tergov harakatlari o`tkazilmoqda.
