O`zbekiston Respublikasi Markaziy bankida Tojikiston Milliy banki raisi Xoliqzoda Xokim Hikmatullo bilan uchrashuv bo`lib o`tdi. Bu haqda bank Matbuot xizmati xabar bermoqda.
Muloqotda tomonlar har ikki mamlakatdagi mavjud makroiqtisodiy vaziyat, amalga oshirilayotgan pul-kredit siyosati hamda jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashishda hamkorlik masalalarini muhokama qilishdi.
Tomonlar o`zaro manfaatli hamkorlikni rivojlantirishga, jumladan, o`zaro tashriflar tashkil etish orqali tajriba almashishga kelishib olishgan.
Eslatib o`tamiz, O`zbekiston Respublikasi Prezidentining taklifiga binoan Tojikiston davlat rahbari Emomali Rahmon rasmiy tashrif bilan mamlakatimizda bo`lib turibdi.
