Haj safari ham yaqinlashmoqda. Ayni kunlarda safar uchun belgilangan yosh chegarasi bo`yicha murojaatlar ortmoqda. O`zbekiston musulmonlari idorasi ush shu sabab masalaga oydinlik kiritdi.
Ma`lum qilinishicha, bu irinchi o`rinda Saudiya Arabistoni Podshohligi tomonidan amal qilinishi lozim etib qo`yilgan talab bilan bog`liq. Ya`ni, unga ko`ra, “Haj-2022” mavsumida ishtirok etish yosh chegarasi 65 yoshgacha etib belgilangan. Qayd etilishicha, ushbu yosh chegarasiga 1957 yil 30 iyun kunigacha tug`ilgan insonlar kiradi.
"Kezi kelganda, shuni alohida ta`kidlash lozimki, yosh chegarasi bilan bog`liq mazkur tartib – Saudiya Arabistonining butun dunyo davlatlari uchun qo`yilgan qat`iy talabi hisoblanadi",-deydi idora xabarida.
Ta`kidlab o`tilishicha, ziyoratchining yosh chegarasi xorijga chiqish pasporti asosida belgilanadi. Unga asosan, tug`ilgan sanasi 30.06.1957 yildan avvalgi muddatda bo`lgan ziyoratchiga (ya`ni 29.06.1957 va undan oldingi) Saudiya Arabistoni Podshohligi tomonidan haj vizasi rasmiylashtirilmaydi.
