Bu haqda AOKAda o`tkazilgan brifingda Bosh prokuratura boshqarma boshlig`i Murodilla Abduhakimov ma`lum qildi.
Qayd etilishicha, o`rim mavsumi boshidan buyon 170 ming tonnadan ortiq g`alla don korxonalariga topshirildi. G`allaning bir kilogrammi dastlabki narx sifatida 3 ming so`mdan qabul qilinmoqda. Kelgusida birja narxlaridan kelib chiqqan holda, ushbu narxga yana qo`shimcha haq to`lab beriladi.
Hozirga qadar, g`alla etishtiruvchilarga 146 mlrd. so`mlik mablag` to`lab berildi.
G`alla etishtiruvchilardan rejadan tashqari ortiqcha don talab qilinishiga to`liq chek qo`yildi. Ushbu jarayon prokuratura xodimlari tomonidan to`liq nazoratga olindi.
