Avvalroq Ohangaron tumanida YHXB inspektorlari va haydovchi o`rtasidagi vaziyat hamda haydovchining o`limi bilan bog`liq holat haqida ma`lum qilgan edik. Bosh prokuratura matbuot xizmatining ma`lum qilishicha, ushbu holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Marhumning o`limi sabablarini aniqlash maqsadida sudga oid tibbiy ekspertiza tayinlangan.
Holatga aniqlik kiritish uchun YHXB xodimlariga biriktirilgan “Body camera”da aks ettirilgan videotasvirlar olingan.
YHXB xodimlarining xatti-harakatlari yuzasidan xizmat tekshiruvi tayinlangan.
Mazkur holat har tomonlama, to`la va xolisona tekshirib chiqiladi va natijasi haqida qo`shimcha xabar qilinadi, deyilgan xabarda.
