Navbahor tumani va Buxoro shahrida ishga qabul qilish va xorijiy davlatga ishga yuborishni va`da qilgan firibgarlar qo`lga olindi

Jinoyat 08.06.2022, 17:32
Navbahor tumani va Buxoro shahrida ishga qabul qilish va xorijiy davlatga ishga yuborishni va`da qilgan firibgarlar qo`lga olindi

Bosh prokuratura huzuridagi Departament hamda DXXning Navoiy viloyati boshqarmalari tomonidan  tezkor tadbir o`tkazildi.

Unda, Navbahor tuman Tibbiyot birlashmasi kadrlar bo`limi boshlig`i X.M. fuqaro Sh.ni ushbu birlashmaga feldsher vazifasiga ishga kiritib qo`yishi evaziga 7 mln so`mni firibgarlik yo`li bilan olgan vaqtida ashyoviy dalillar bilan ushlangan.

Shu kabi, Departament, DXX hamda IIBning Buxoro viloyati boshqarmalari tomonidan o`tkazilgan tezkor tadbirda, Buxoro shahrida yashovchi fuqaro U.E. boshqa bir fuqaro D.ning ishonchiga kirib, o`zi va singlisini tanishlari yordamida Janubiy Koreya davlatiga ishga yuborish masalasini 9,6 ming AQSh dollariga kelishib, shundan 600 AQSh dollari va 1 mln so`mni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo`zg`atilib, tergov harakatlari o`tkazilmoqda.

 

Sharhlar

Ob-havo: Toshkent
Valyuta kursi
1