O`zbekiston Respublikasi davlat statistika qo`mitasi mamlakatda avtomobil importi bilan bog`liq ayrim ma`lumotlarni e`lon qildi.
Qayd etilishicha, 2022 yilning yanvar-may oylarida O`zbekiston xorijiy davlatlardan qiymati 320,5 mln. AQSh dollariga teng bo`lgan 13,6 mingta engil avtomobil import qilgan. Importi hajmi o`tgan yilning mos davri bilan solishtirilganda 5,9 mingtaga yoki qariyb 2 baravarga oshgan.
Shuningdek, engil avtomobillar import qilingan xorijiy davlatlar 22 tani tashkil etgan.
5 oy davomida O`zbekiston mashinalarni eng ko`p import qilgan davlatlar quyidagilar:
- Xitoy – 6426 ta;
- Koreya – 3491 ta;
- Qozog`iston – 2368 ta;
- Rossiya – 927 ta;
- AQSh – 122 ta;
- BAA – 71 ta ;
- Yaponiya – 50 ta;
- Germaniya – 37 ta.
