Ўзбекистон Республикаси давлат статистика қўмитаси мамлакатда автомобиль импорти билан боғлиқ айрим маълумотларни эълон қилди.
Қайд этилишича, 2022 йилнинг январь-май ойларида Ўзбекистонга хорижий давлатлардан қиймати 320,5 млн. АҚШ долларига тенг бўлган 13,6 мингта енгил автомобиль олиб кирилган.
Импорт ҳажми ўтган йилнинг мос даври билан солиштирилганда 5,9 мингтага ёки қарийб 2 бараварга ошган.
Шунингдек, енгил автомобиллар импорт қилинган хорижий давлатлар 22 тани ташкил этган.
5 ой давомида Ўзбекистон машиналарни энг кўп импорт қилган давлатлар қуйидагилар:
- Хитой – 6426 та;
- Корея – 3491 та;
- Қозоғистон – 2368 та;
- Россия – 927 та;
- АҚШ – 122 та;
- БАА – 71 та ;
- Япония – 50 та;
- Германия – 37 та.
