Xitoyning Szyanszin okrugidagi qishloqlardan birida 367 nafar oila yashaydigan bo`lsa, ularda 39 juft egizak borligi aniqlandi, deb xabar berdi “Tjournal.ru” nashri.
Bu anomal hodisa uzoq yillardan beri davom etib kelmoqda. Qishloqdagi egizaklarning eng kattasi 89 yoshga kirgan bo`lsa, eng kichigi 9 oylikdir. Statistik ma`lumotlarga ko`ra, bu anomal hududda joylashgan har 10 xonadonning birida (1,1%) egizaklarni uchratish mumkin.
Xitoy tibbiyot xodimlari bu hodisaning sababini aniqlab berolmadilar, ularning taxminicha, bunga xitoylik ayollarning homilador bo`lishga yordam beradigan dori preparatlaridan keng miqyosda foydalanishi ham sabab bo`lishi mumkin ekan.
Mamlakatda egizak tug`ilishi xayrli hisoblanadi.
Bundan tashqari xitoylik ayollar birin-ketin farzand ko`rgandan ko`ra, buni bir urinishda bajarishni ma`qul ko`rishadi.
