Kongressmen Stiv Chabotning aytishicha, AQSh O`zbekistonning keng qamrovli, ochiq va ishonchli tergov o`tkazish niyatini olqishlaydi.
Chabot AQSh Kongressidagi “O`zbekiston bo`yicha Kokus” a`zosi va Markaziy Osiyo bo`yicha quyi qo`mita hamraisi sifatida Qoraqalpog`istondagi vaziyatni yaqindan kuzatayotganini va hukumatning uni normallashtirishga qaratilgan sa`y-harakatlarini qo`llab-quvvatlashini aytdi.
Shu bilan birga, “O`zbekiston bo`yicha Kokus” a`zolari AQSh Kongressiga Qoraqalpog`istonda sodir bo`lgan voqealar bo`yicha xolis ma`lumotni o`z ichiga olgan rasmiy hujjat (“Congressional Record”) taqdim etishga tayyor ekanliklarini ma`lum qildilar. Ushbu hujjat barcha senatorlar va kongressmenlar ofislariga tarqatiladi.
