O`zbekiston Respublikasi Prezidenti Shavkat Mirziyoev bugun, 30 avgust kuni Belarus Respublikasi Prezidenti Aleksandr Lukashenko bilan telefon orqali muloqot qildi.
Suhbat avvalida Belarus rahbari O`zbekiston etakchisi va ko`p millatli xalqini yaqinlashib kelayotgan Mustaqillik bayrami bilan tabrikladi.
Bu haqda O`zbekiston rahbari matbuot xizmati ma`lum qilmoqda.
Qayd etilishicha, O`zbekiston Prezidenti, o`z navbatida, Belarus Prezidentini tavallud kuni bilan samimiy qutlab, unga mustahkam sog`lik, baxt-saodat va katta muvaffaqiyatlar tiladi.
"O`zaro manfaatli hamkorlikni kengaytirish va amaliy sheriklik loyihalarini ilgari surish masalalari muhokama qilindi.
Tomonlar oliy darajadagi kelishuvlarning amalga oshirilishi tufayli O`zbekiston-Belarus munosabatlarida yuksak darajaga erishilganini ta`kidladilar",-deyiladi xabarda.
Ma`lum qilinishicha, mintaqaviy kun tartibi, shu jumladan joriy yil sentyabr oyida Shanxay hamkorlik tashkilotining Samarqand sammitini o`tkazish yuz ham fikr almashilgan.
