Oqsaroy qarorgohida O`zbekistonning Birinchi prezidenti Islom Karimov nomidagi kutubxona ochildi

Madaniyat 31.08.2022, 14:55
Oqsaroy qarorgohida O`zbekistonning Birinchi prezidenti Islom Karimov nomidagi kutubxona ochildi

Oqsaroy qarorgohida O`zbekistonning Birinchi prezidenti Islom Karimov nomidagi kutubxona ochildi. 

 2018 yil avgust oyida Oqsaroy hududida Islom Karimov nomidagi kutubxona ish boshlagan edi. Mazkur ma`rifat maskani Prezident Shavkat Mirziyoevning O`zbekiston Respublikasi Birinchi Prezidentining xotirasini abadiylashtirish bo`yicha qabul qilgan qarori asosida o`z faoliyatini boshlagan.

Kutubxonada Islom Abdug`anievich Karimovning asarlaridan tashqari, tarixchi, faylasuf, siyosatshunos olimlarning Birinchi Prezidentimiz hayoti va faoliyatiga oid qo`lyozmalari, badiiy adabiyotlar, ilmiy nashrlar keng jamoatchilikka taqdim etilgan.

O`tgan vaqt davomida kutubxonani texnik va texnologik jihatdan jihozlash, kitoblar fondini yanada boyitish, kitobxonlarga xalqaro mezonlarga to`liq javob beradigan shart-sharoitlarni yaratib berish maqsadida keng ko`lamli ishlar bajarildi. Loyihaning muvaffaqiyatli amalga oshirilishi asnosida mutlaqo yangi qiyofadagi zamonaviy, avtomatlashtirilgan kutubxonani shakllantirishga erishildi.

 2022 yil 29 avgust kuni Oqsaroy qarorgohida O`zbekiston Respublikasining Birinchi Prezidenti Islom Karimov nomidagi kutubxonaning rasmiy ochilish marosimi bo`lib o`tdi. 

Tatyana Karimova mazkur kutubxona Prezident Shavkat Mirziyoevning Birinchi Prezident xotirasiga nisbatan hurmati va e`tiborining yorqin namunasi ekanligini alohida ta`kidladi.

.

Sharhlar

Ob-havo: Toshkent
Valyuta kursi
1