Оқсарой қароргоҳида Ўзбекистоннинг Биринчи президенти Ислом Каримов номидаги кутубхона очилди

МАДАНИЯТ 31.08.2022, 14:55
Оқсарой қароргоҳида Ўзбекистоннинг Биринчи президенти Ислом Каримов номидаги кутубхона очилди

Оқсарой қароргоҳида Ўзбекистоннинг Биринчи президенти Ислом Каримов номидаги кутубхона очилди. 

 2018 йил август ойида Оқсарой ҳудудида Ислом Каримов номидаги кутубхона иш бошлаган эди. Мазкур маърифат маскани Президент Шавкат Мирзиёевнинг Ўзбекистон Республикаси Биринчи Президентининг хотирасини абадийлаштириш бўйича қабул қилган қарори асосида ўз фаолиятини бошлаган.

Кутубхонада И.Каримовнинг асарларидан ташқари, тарихчи, файласуф, сиёсатшунос олимларнинг Биринчи Президентимиз ҳаёти ва фаолиятига оид қўлёзмалари, бадиий адабиётлар, илмий нашрлар кенг жамоатчиликка тақдим этилган.

Ўтган вақт давомида кутубхонани техник ва технологик жиҳатдан жиҳозлаш, китоблар фондини янада бойитиш, китобхонларга халқаро мезонларга тўлиқ жавоб берадиган шарт-шароитларни яратиб бериш мақсадида кенг кўламли ишлар бажарилди. Лойиҳанинг муваффақиятли амалга оширилиши асносида мутлақо янги қиёфадаги замонавий, автоматлаштирилган кутубхонани шакллантиришга эришилди.

 2022 йил 29 август куни Оқсарой қароргоҳида Ўзбекистон Республикасининг Биринчи Президенти Ислом Каримов номидаги кутубхонанинг расмий очилиш маросими бўлиб ўтди. 

Татьяна Каримова мазкур кутубхона Президент Шавкат Мирзиёевнинг Биринчи Президент хотирасига нисбатан ҳурмати ва эътиборининг ёрқин намунаси эканлигини алоҳида таъкидлади.

.

Шарҳлар

Об-ҳаво: Тошкент
Валюта курси
1