Ma`lumotlarga ko`ra, bu bo`yicha taklif bilan Shavkat Mirziyoev tomonidan chiqqan va qo`shni davlat rahbari Emomali Rahmon tomonidan ma`qullangan edi.
Xabaringiz bor, shu kunlarda O`zbekistonda madaniy soha bo`yicha muhim jarayon — “Ipak yo`li durdonasi” XIV Toshkent Xalqaro kinofestivali bo`lib o`tmoqda.
Uning doirasida O`zbekiston Respublikasi kinematografiya agentligi va “Tojikfilm” davlat muassasasi o`rtasida “Jomiy va Navoiy” badiiy filmini suratga olish bo`yicha shartnoma imzolandi.
Qayd etilishicha, ayni paytga qadar ikki davlat vakillaridan tarkib topgan ijodiy guruh tomonidan ushbu kinoloyiha uchun tarixiy materiallar to`plandi, ikki mutafakkirni bog`lab turgan rishtalar puxta o`rganildi. Ikki davlat kinoijodkorlari hamkorligida “Jomiy va Navoiy” badiiy filmi ssenariysi tayyorlandi.
Filmda hazrat Navoiy o`z asarlaridagi ustoziga bo`lgan hurmat va ehtiromini namoyon etiladi.
Mazkur kinoloyida nafaqat O`zbekiston va Tojikistondan, balki xorijiy mamlakatlardan ham mutaxassislar jalb qilinadi. Jumladan, maslahatchi va hamkor sifatida Fransiyada taniqli rejissyor va prodyuser Lyuk Besson, Rossiyadan mashhur ssenarist va rejissyor Yusuf Roziqov taklif qilingan. Filmda Sharq uyg`onish davrining Evropaga ta`siriga ham o`rin ajratilgan. Mashhur Gollivud aktyori Armand Assante ham filmda asosiy rollardan birini ijro etishi kutilmoqda.
Ta`kidlaniishicha, bugun bo`lib o`tgan uchrashuvda Lyuk Besson, Armand Assante va boshqalar mazkur kinoloyihaning ahamiyati haqida gapirib, Jomiy va Navoiy hayotining muhim qirralarini o`zida aks ettirgan ushbu kinoloyiha ularda qiziqish uyg`otgani, uni amalga oshirishda albatta ishtirok etishlarini ma`lum qilishgan.
Mavzuga doir:
Lyuk Besson: Jomiy va Navoiy haqida qiziqarli film olinishiga ishonaman!
