Moskvada 30 dan ortiq aviareyslar kutilmaganda bekor qilindi

Shaharning Vnukova, Domodedova, Sheremetova aeroportlarida kuchli qor bo`ron tufayli 30 dan ortiq aviareyslar bekor qilindi. 

30 oktyabr tongda Moskvada oxirgi 70 yillikdagi eng issiq 30 oktyabr tongi kuzatilgandi. 

Shaharning barcha kuzatuv stansiyalarida sutkaning minimal harorati +10 darajadan pastga tushmadi. Kecha kunduz kuni bu issiqlik to`lqini shimoldan arktik sovuq havo oqimi bilan o`rin almashdi. 

Atmosfera bosimidagi keskin o`zgarishlar, Moskvada avvaliga kuchli shamol, so`ngra 3 sm kattalikdagi do`l va kuchli yomg`ir, kechga borib esa qor bo`ron hodisalariga aylanib ketdi. Erda muzlama hodisasi transport harakatini chekladi.