Ukraina Qurolli kuchlari harbiy xizmatchilari 11 noyabr, juma kuni Xersonga kirib keldi. Ma`lumotni Xromadskega shahar aholisi, mahalliy jurnalistlar va Xerson viloyati hokimiyatidagi manba tasdiqladi. Bu haqda Meduza xabar berdi.
Avvalroq Ukraina ommaviy axborot vositalarida Xerson aholisi Ukraina Qurolli kuchlarini shahar ko`chalarida kutib olayotgan foto va videolar paydo bo`lgan edi. Xersondagi polisiya shtab-kvartirasida harbiylar Ukraina bayrog`ini osib qo`ygani tasvirlari ham chop etilgan.
Bundan tashqari, internetda Xerson viloyati ma`muriyati binosi oldida Ukraina bayroqlarini ko`targan odamlarning surati paydo bo`ldi.
Avvaliga na Ukraina rasmiylari, na Ukraina armiyasi Ukraina Qurolli kuchlari shaharga kirganini rasmiy ravishda e`lon qilmadi. Ammo Ukraina rasmiylari bunga “ishora”larni qoldirdi. Xususan, Ukraina prezidenti ofisi rahbari Andrey Ermak o`zining telegram-kanalida “11/11/2022” shaklidagi qisqa post joyladi.
Keyinroq Ukraina Mudofaa vazirligining Bosh razvedka boshqarmasi Ukraina Qurolli kuchlari bo`linmalari Xersonda ekanligini tasdiqladi va o`z bayonotida rossiyalik harbiylarning chekinish yo`llari Ukraina tomonidan nazoratga olinganini ma`lum qildi.
11 noyabr kuni ertalab Rossiya Mudofaa vazirligi Xersondan chekinish haqida xabar berdi.
Xersonni tark etish to`g`risidagi qarorni 9 noyabr kuni Rossiya mudofaa vaziri Sergey Shoygu Rossiyaning Ukrainaga bostirib kirishdagi qo`mondoni general Sergey Surovikinning hisobotidan so`ng e`lon qildi.
Eslatib o`tamiz, Xerson Ukrainaga ochilgan urushning boshidan beri rus armiyasi tomonidan qo`lga kiritilgan yagona mintaqaviy markaz edi va u mart oyining boshidan buyon (sakkiz oydan ko`proq vaqt davomida) Rossiya nazoratida ostida qolgandi.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...