Jizzax viloyatining G`allaorol tumanida 22 yoshli yigit ayolini xiyonatda ayblab, uni va 5 yoshli farzandini o`ldirdi. Bu haqda viloyat IIB axborot xizmati xabar qildi.
Ma`lum bo`lishicha, 2 noyabr kuni G`allaorol tumani IIBga tumanning Zargar qishlog`idan o`tgan Toshkent – Termiz avtomobil yo`lining yoqasidagi qirlikda ayol va bolaning jasadi borligi haqida xabar kelib tushadi. Tergov-tezkor guruhi voqea joyiga yo`l oladi. Tezkor guruh voqea joyida mudhish manzaraga guvoh bo`lishadi. Ayol va 5 yoshli bolaning yuza qismi yoqib yuborilgan edi.
Tez orada kriminalistlar ayolning shaxsini aniqlashadi. Shundan so`ng jinoyatning izi ochiladi va qotillikda gumondor o`z uyida qo`lga olinadi. Yigit qilmishini tan olib, qotillik qanday ro`y berganini so`zlab beradi.
Buxoro viloyatida 2000 yilda tug`ilgan yigit 1993 yilda tug`ilgan ayol bilan bundan 5 yil avval tanishib, uchrashib yuradi. Yigitning ham, ayolning ham yaqinlari bu munosabatga qarshilik qilishgach, ular yashirincha nikoh qurib yashab kelishgan. 2017 yilda farzandi tug`ilgan. Turmush tashvishlari boshiga tushgan yigit afsus cheka boshlaydi va o`zini xato qilgan deb hisoblaydi.
Kuzning boshida ayol yana homilador bo`lib qoladi. Bu vaqtda yigit Toshkentga ishlagani ketgan edi. Ayol yigitning otasiga qo`ng`iroq qilib, o`g`li bilan munosabatlari haqida bor gapni aytadi, SMSlar ham yozib yuboradi. Ayolning maqsadi bu oilada o`z o`rniga ega bo`lish edi.
Shundan so`ng, yigit ayolni Toshkentga chaqiradi. Ular u erda biroz yashagach, Buxoroga qaytayotgan vaqtida Jizzax viloyati G`allaorol tumani Zargar qishlog`idagi qirliklar oldida yo`lovchi tashish mashinasidan tushib qolishadi.
Tepalikka chiqib biroz dam olishadi. Yigit ayolning qo`lida pulni ko`rgach, uni xiyonatda ayblab, tarsaki tushiradi. Ayol esa tosh bilan erining boshiga uradi. G`azabi qo`zg`agan erkak barini shu erda tugatishga qaror qiladi va ayolni bo`g`ib o`ldiradi. Uxlab yotgan farzandi shovqindan turib kelib, voqea guvohi bo`ladi. Uni otasi olib ketmoqchi bo`lganida bola onasi bilan qolishni istab yig`laydi. So`ng yigit bolani ham sumka tasmasi bilan bo`g`ib o`ldiradi.
Erkak marhumlarning jasadlarini ularning kiyim va buyumlariga qo`shib, yoqib o`zi esa hech narsa bo`lmaganidek Buxoroga ketib yuboradi.
17.11.2023, 09:49
3 yildan beri “Barkamol avlod” bolalar maktabining robototexnika to`garagiga qatnaydigan Ozodbek Hoshimov odamlarni is gazidan saqlab qoladigan ixtiro yaratdi. Bu haqda Maktabgacha va maktab ta`limi...
16.11.2023, 12:40
Avvalroq, Toshkent viloyatidagi to`yda vertolyotdan foydalangani aks etgan video tarmoqlarda tarqalgan edi. Toshkent viloyati IIBB Yo`l harakati xavfsizligi boshqarmasi mazur holat bo`yicha ma`lumot taqdim etdi. Ma`lum qilinishicha, IIBB...
10.11.2023, 12:45
Poytaxt markazida qurilgan yangi ko‘p qavatli uy hali egalariga topshirilmasdanoq kuni kecha yog‘ib o‘tgan yomg‘irdan so‘ng dahshatli manzara kasb etib qoldi. 11 qavatli uyning zinalari...
04.11.2023, 12:37
Farg`onada yangi tug`ilgan chaqaloq tashlab ketildi. "Zamon" dasturida mazkur hodisa bo`yicha tafsilotlar ma`lum qilindi.Ma`lum bo`lishicha, Farg`ona tumani Yuqori archa MFY hududidagi katta dalaga yangi tug`ilgan,...
